मोरङ कारागारका चौकीदारसहित आठ कैदीको सरुवा

  • प्रकाशित मितिः मंसिर ८, २०७८
  • उज्यालो प्रदेश
alt

विराटनगर । मोरङ कारागारका चौकीदार कार्तिक कामतसहित ८ जना कैदीको सरुवा भएको छ । कामत गत कात्तिक २४ गते चौकीदार नियुक्त भएका थिए ।

तर अपहरण मुद्दामा कैद भुक्तान गरिरहेका गुन्डानाइके अभिषेक गिरीलाई मोरङ कारागारमा ल्याउन सहमति नदिएपछि उनीसहित ८ जनाको सरुवा भएको कारागार स्रोतको भनाइ छ ।

सप्तरी कारागारमा रहेका गिरीको मोरङ कारागारमा सरुवा भएको थियो । तर उनलाई मोरङ ल्याउन कार्तिकले सहमति नदिएपछि उनीसहित ८ जनाको सिन्धुली सरुवा भएको कारागार व्यवस्थापन विभाग स्रोतको भनँइ छ ।

मोरङ कारागारका चौकीदार कार्तिक कामत, सिटी नाइके युवराज परियार, वडा नाइके रितेश कामतसहित जेल प्रशासनमा रहेका मौसम चौधरी, विजय कामत, विकास महतो, लोकेन्द्र परियार र देवराज मण्डलको सिन्धुली सरुवाको निर्णय भएको कारागार व्यवस्था विभाग स्रोतले जानकारी दिएको छ ।

मोरङ कारागार भित्रबाट विराटनगर बजार क्षेत्रमा गुण्डागर्दी गरेको र कैदीबन्दीलाई यातना दिएको भन्दै गिरीलाई मोरङबाट २०७४ साल चैत २३ गते डिल्ली बजार कारागार स्थानान्तरण गरिएको थियो ।

गत भदौ १७ गते डिल्ली बजारबाट गिरीको मोरङ सरुवा भएको थियो । उनलाई कात्तिक १६ गते विराटनगर कारागारमा ल्याए पनि कैदीबन्दीले प्रवेश नदिएपछि उनलाई त्यसै दिन सप्तरी कारागार लगिएको थियो ।

मोरङमा प्रवेश नपाएपछि गिरीकै योजनामा कात्तिक २४ गते मोरङ कारागारमा झडप भएको र तत्कालिन चौकीदार किरण गुरुङसहित ६ जना कैदीबन्दी घाइते भएका थिए ।

झडपपछि गुरुङसहित १४ जना नाइके तथा भाइनाइके कैदीबन्दीलाई झुम्का, झापा र इलाम कारागारमा स्थानान्तरण गरेर कार्तिक कामतलाई चौकीदारको जिम्मेवारी दिइएको थियो ।

प्रतिक्रिया दिनुहोस

नेकपा माओवादीको विराटचोकमा हुने प्रदेश सम्मेलनको तयारी तिब्र

आगामी मङ्सिर २५ गते मोरङको विराटचौकमा हुन लागेको नेपाल कम्युनिष्ट पार्टी (माओवादी केन्द्र)प्रदेश १ को सम्मेलनको तयारी तीब्र पारिएको छ । प्रदेश १ का अ ...

प्रदेश १ मा आज २१ जनामा कोरोना संक्रमण

इटहरी । प्रदेश १ मा पछिल्लो २४ घण्टामा २१ जनामा कोरोना संक्रमण भएको छ । ३४६ जनाको पीसीआर परीक्षण गर्दा १७ र १०७ जनाको एन्टिजेन परीक्षण गर्दा ४ जनामा ...

रामचन्द्रका लागि सभापतिमा दावी छाड्न शशांक तयार

काठमाडौं । नेपाली कांग्रेसका महामन्त्री डा। शशांक कोइरालाले १४ औं महाधिवेशनमा सभापति पदमा दावी छाड्न तयार भएका छन् । उनले रामचन्द्र पौडेलको नाममा सहम ...

उज्यालो प्रदेश मिडिया प्रालिद्वारा सञ्चालित

कम्पनी दर्ता नं. २०३७८३।०७५।०७६

स्थायी लेखा नं. ६०६५३१३८६

सूचना विभाग दर्ता नं. १३३६/०७५/७६

प्रेस काउन्सिल दर्ता नं. ४९७/०७५/०७६

प्रधान कार्यालयः बेलबारी-३, मोरङ, १ नम्वर प्रदेश, नेपाल

मोबाइल नं.: ९८४२०३६८१४, ९८४२१३०५६८, ९८४२०७९७५८, ९८४२०७८६५८

इमेल: [email protected]

वेबसाइट: www.ujyaalopradesh.com

प्रधान सम्पादकः भक्तशेर लिम्बू

सम्पादकः किशन शाही

प्रवन्धकः सन्दिप राई

Copyright © 2018 / 2021 - Ujyaalopradesh.com All rights reserved