बंगलादेशविरुद्ध नेपाललाई इतिहास रच्ने अवसर

  • प्रकाशित मितिः आश्विन २६, २०७८
  • उज्यालो प्रदेश
alt

नेपालले साफ च्याम्पियनसिप फुटबलअन्तर्गत समूहचरणको अन्तिम खेलमा बिहीबार बंगलादेशको सामना गर्दैछ । यस खेलमा कम्तीमा बराबरी मात्रै खेल्न सके पनि नेपालले फाइनल यात्रा गर्दै नयाँ इतिहास रच्नेछ ।

यता, २००३ को च्याम्पियन बंगलादेशले भने फाइनल पुग्नका लागि खेल जित्नुपर्नेछ । नेपालका सहायक प्रशिक्षक किरण श्रेष्ठले यो खेल निकै दबाबपूर्ण हुने प्रतिक्रिया दिएका छन् । ‘खेल निकै दबाबपूर्ण हुनेछ । बंगलादेशले जित्न चाहन्छ । नेपालले पनि कम्तीमा बराबरी खेल्नुपर्ने अवस्था छ । त्यसैले यो खेल निकै कठिन छ,’ उनले भने ।

यता नेपाली टिमका गोलकिपर विशाल श्रेष्ठले दबाबलाई चिर्नका लागि लामो समयदेखि तयारी गरिरहेको बताए । ‘हामीले यो खेलका लागि लामो समयदेखि तयारी गरिरहेका छौँ । यो हाम्रा लागि दबाब र अवसर पनि हो । नयाँ इतिहास सिर्जना गर्नका लागि । हामीले देशका लागि केही गर्नुछ भन्ने भावना राखेर मैदानमा उत्रनेछौँ,’ उनले भने ।

मालदिभ्सको मालेमा हुने यो खेल नेपाली समयअनुसार अपराह्न ४ः४५ मा सुरु हुनेछ । नेपाल र बंगलादेशबीच अहिलेसम्म खेलिएका १२ भिडन्तमध्ये ४ खेल नेपालले जितेको छ, चार खेल बंगलादेशले जितेको छ भने ४ खेल बराबरीमै टुंगिएको छ ।

समूह चरणको अवस्था यस्तो ?

समूह चरणमा पहिलो स्थानको मालदिभ्स र दोस्रो स्थानको नेपालको तीन खेलबाट समान ६ अङ्क छ । गोलअन्तरमा माल्दिभ्सभन्दा नेपाल अघि छ । समान खेलबाट ५ अङ्क जोडेको भारत र ४ अङ्क जोडेको बंगलादेश क्रमशः तेस्रो र चौथो स्थानमा छन् । श्रीलङ्काले समूह चरणका सबै चार खेल खेलिसक्दा केवल १ अंकमात्रै जोडेको छ । त्यसैले प्रतियोगितामा उसको चुनौती समाप्त भइसक्यो ।

समूह चरणमा शीर्ष दुई स्थान हासिल गर्ने टिमबीच फाइनल भिडन्त हुनेछ ।

प्रतिक्रिया दिनुहोस

बाइकको ठक्करबाट एक महिलाको मृत्यु

लेटाङ । मोरङको लेटाङ नगरपालिकामा मोटरसाइकलले ठक्कर दिँदा एक महिलाको मृत्यु भएको छ ।मृत्यु हुनेमा स्थानीय ५० वर्षीय अम्बिका ढकाल रहेको ईलाका प्रहरी कार ...

कांग्रेस र एमालेद्धारा आज प्रदेश १ को बैठक रोक्न माग

विराटनगर । नेपाली कांग्रेस र एमालेले आज ९आइतबार० बस्ने प्रदेशसभा बैठक रोक्न छुट्टाछुट्टै माग गरेका छन्।बैठक रोक्नका लागि काङ्ग्रेसले लिखित निवेदन दिएक ...

बाढीपहिरो प्रभावित पूर्वी नेपालका जिल्लाको भ्रमणमा आउँदै प्रधानमन्त्री

काठमाडौं । बेमौसमी वर्षादका कारण बाढी पहिरोले पुर्याएको क्षतिको अवलोकन गर्न प्रधानमन्त्री शेरवहादुर देउवा आज पूर्वी नेपालको विभिन्न जिल्लाको निरीक्षण ...

उज्यालो प्रदेश मिडिया प्रालिद्वारा सञ्चालित

कम्पनी दर्ता नं. २०३७८३।०७५।०७६

स्थायी लेखा नं. ६०६५३१३८६

सूचना विभाग दर्ता नं. १३३६/०७५/७६

प्रेस काउन्सिल दर्ता नं. ४९७/०७५/०७६

प्रधान कार्यालयः बेलबारी-३, मोरङ, १ नम्वर प्रदेश, नेपाल

मोबाइल नं.: ९८४२०३६८१४, ९८४२१३०५६८, ९८४२०७९७५८, ९८४२०७८६५८

इमेल: [email protected]

वेबसाइट: www.ujyaalopradesh.com

प्रधान सम्पादकः भक्तशेर लिम्बू

सम्पादकः किशन शाही

प्रवन्धकः सन्दिप राई

Copyright © 2018 / 2021 - Ujyaalopradesh.com All rights reserved