बिमितको घरघरमा नेशनल लाइफले दियो ७८ लाख ७५ हजार दावी भुक्तानी

  • प्रकाशित मितिः आश्विन २३, २०७८
  • उज्यालो प्रदेश
alt

केराबारी । बीमा गर्दा पैसा पाइन्दैन भन्ने धेरै मानिसको भ्रमलाई चिर्दै नेश्नल लाइफ इन्स्योरेन्स कम्पनीले शनिवार एकै दिन मोरंगको केराबारीमा चारजना आश्रित परिवारलाई घरघरमा पुगेर बीमालाभ बापतको रकम हस्तान्तरण गरेको छ ।
नेशनल लाइफ इन्स्योरेन्स कम्पनीमा विभिन्न समयमा बीमा गरी मृत्यु भएका केराबारी ३ का राजु देवान,वडा नं.१० का चुरानसिंह विक, हस्तवहादुर (सनम )मगर, बेलबारी ८ भाउनेका रञ्जित सूब्बा लिम्बूको निधनपछि आश्रित परिवारलाई बीना झञ्झट मृत्यु भएको छोटो समयमा कम्पनीका प्रतिनीधि घर घरमा पुगेर ७८ लाख ७५ हजार बराबरको बीमालाभ भुक्तानी गरेको हो ।

कम्पनीमा ०७७ मंसिर ३० गते ५० लाखको बीमा गरेका केराबारी ३ का राजु देवानको ०७८ श्रावन ३१ गते कोरोना भाइरस संक्रमणबाट मृत्यु भएको थियो । देवानको श्रीमति गंगामाया लिम्बूलाई कम्पनीका प्रदेश प्रमुख नरेन्द्र राईले ५१ लाख ८६ हजार ६सय ६७ रुपैयाको चेक हस्तान्तरण गर्नुभएको हो । देवानले १५ वर्षे अवधिको बीमा गरी ४ लाख ६६ हजार रुपैया प्रिमियम जम्मा गरेका थिए ।

churan sing

कोरोना भाइरस संक्रमणबाट मृत्यु भएका केराबारी १० का समाजसेवी, राजनीतिककर्मी चुरानसिंक विकको श्रीमतिलाई पनि मृत्यु दावी अन्र्तगतको बीमालाभ भुक्तानी गरिएको छ । ६ वर्ष अघि ५ लाखको बीमा गरी वार्षिक ४३ हजार २ सय २८ रुपैया प्रिमियम वुझाउँदै आउनुुभएका विकको २०७८ भाद्र ६ गते मृत्यु भएपछि उहाँको श्रीमति अम्बिका बराइलीलाई बीमाङ्क र ६ वर्षको बोनस सहित ६ लाख ८८ हजार ५सय रुपैयाको चेक हस्तान्तरण गरिएको हो ।

hasta bdr magar (2)
त्यसैगरी केराबारी १० का बीमिति हस्तवहादुर (सनम) मगरको श्रीमति कविता मगरलाई १ लाख रुपैयाको चेक हस्तान्तरण गरेको छ । बिमित श्रायन मगरको प्रस्तावक रहेका बुबा हस्तवहादुर मगरको मृत्युपछि आश्रित परिवारका तर्फबाट कवितालाई सो रकम प्रदान गरिएको हो । अव उनको बीमाको किस्ता तिर्नु नपर्ने र बीमा अवधि पछि पुन लगभग २ लाख प्रदान गरिने पत्र समेत हस्तान्तरण गरिएको छ । बालअमृत बीमालेख अन्र्तगत १ लाखको बीमा गरेका मगरले वार्षिक ७६८४ का दरले ५ वर्षको किस्ता वुझाएका थिए ।

यसैविच बैदेसिक रोजगारीका क्रममा निधन भएका बेलबारी ८ भाउन्नेका बिमित रञ्जित सूब्बा लिम्बूको श्रीमति बबि सूब्बा लिम्बूलाई पनि १४ लाख रुपैयाको चेक प्रदान गरिएको छ।

harkamaya magar

कम्पनीले केराबारीमा पहिलो पटक घातक रोग उपचार खर्च पनि प्रदान गरेको छ । एक वर्ष अघि ५ लाखको बीमा गर्नुभएका केराबारी १० का बिमित हर्कमाया मगरलाई मुटुरोग लागेकाले उपचार खर्च बापत ५ लाख रुपैया प्रदान गरिएको हो । चेकहरु प्रदान गर्न कम्पनीका प्रदेश नं का प्रमुख नरेन्द्रराइ, इटहरी शाखा प्रमुख भोजमान श्रेष्ठ,पेशागत बीमा अभिकर्ता संघका अध्यक्ष किशान शाही लगायतका अभिकर्ताहरु घरघरमा पुग्नुभएको थियो ।

 

 

प्रतिक्रिया दिनुहोस

बाइकको ठक्करबाट एक महिलाको मृत्यु

लेटाङ । मोरङको लेटाङ नगरपालिकामा मोटरसाइकलले ठक्कर दिँदा एक महिलाको मृत्यु भएको छ ।मृत्यु हुनेमा स्थानीय ५० वर्षीय अम्बिका ढकाल रहेको ईलाका प्रहरी कार ...

कांग्रेस र एमालेद्धारा आज प्रदेश १ को बैठक रोक्न माग

विराटनगर । नेपाली कांग्रेस र एमालेले आज ९आइतबार० बस्ने प्रदेशसभा बैठक रोक्न छुट्टाछुट्टै माग गरेका छन्।बैठक रोक्नका लागि काङ्ग्रेसले लिखित निवेदन दिएक ...

बाढीपहिरो प्रभावित पूर्वी नेपालका जिल्लाको भ्रमणमा आउँदै प्रधानमन्त्री

काठमाडौं । बेमौसमी वर्षादका कारण बाढी पहिरोले पुर्याएको क्षतिको अवलोकन गर्न प्रधानमन्त्री शेरवहादुर देउवा आज पूर्वी नेपालको विभिन्न जिल्लाको निरीक्षण ...

उज्यालो प्रदेश मिडिया प्रालिद्वारा सञ्चालित

कम्पनी दर्ता नं. २०३७८३।०७५।०७६

स्थायी लेखा नं. ६०६५३१३८६

सूचना विभाग दर्ता नं. १३३६/०७५/७६

प्रेस काउन्सिल दर्ता नं. ४९७/०७५/०७६

प्रधान कार्यालयः बेलबारी-३, मोरङ, १ नम्वर प्रदेश, नेपाल

मोबाइल नं.: ९८४२०३६८१४, ९८४२१३०५६८, ९८४२०७९७५८, ९८४२०७८६५८

इमेल: [email protected]

वेबसाइट: www.ujyaalopradesh.com

प्रधान सम्पादकः भक्तशेर लिम्बू

सम्पादकः किशन शाही

प्रवन्धकः सन्दिप राई

Copyright © 2018 / 2021 - Ujyaalopradesh.com All rights reserved