मोरङमा रतुवामाईमा भेटियो महिलाको शव,बलात्कार पछि हत्या भएको आसंका

  • प्रकाशित मितिः बैशाख १९, २०७८
  • उज्यालो प्रदेश
alt

मोरङको रतुवामाईमा एक महिलाको शव भेटिएको छ । रतुवामाई–६ स्थित सिंहगिरी भन्ने स्थानमा मकैबारीमा अपरिचत महिलाको शव फेला परेको हो ।

मृत अवस्थामा भेटिएको महिलाको हत्या भएको प्रहरीले निष्कर्ष निकालेको छ । आइतबार बिहान स्थानीय रामप्रसाद भण्डारीको मकैबारीमा महिलाको शव भेटिएको थियो । शव भेटिएपछि अनुसन्धान सुरु गरेको प्रहरीले हत्या गरी शव फालेको निष्कर्ष निकालेको हो ।

‘प्रारम्भिक अनुसन्धानका क्रममा हत्या भएको देखिन्छ,’ जिल्ला प्रहरी कार्यालय मोरङका प्रहरी नायव उपरीक्षक मानबहादुर राईले भने, ‘बलात्कार भए नभएको पोष्टमार्टमपछि खुल्छ ।शवलाई पोष्टमार्टमका लागि कोसी अस्पताल विराटनगर ल्याइएको छ । महिलाले लगाएको कपडा च्यातिएको र माथि सुर्किएका कारण बलात्कार भएको हुनसक्ने प्रहरी स्रोतको दाबी छ ।

आइतबार बिहान अन्दाजी ३० वर्षीया कालो वर्णकी महिलाले पहेलो कुर्ता र कालो रङ्को टाउजर लगाएकी छन् । पहिचान नखुल्दा थप अनुसन्धानमा समस्या भएको प्रहरीले बताएको छ ।स्थानीय रामप्रसादीले घाँस काट्न मकैबारीमा जाँदा शव देखेपछि प्रहरीलाई खबर गरेका थिए । ‘महिलाको घाँटीमा डाम छ, शरीरमा चोट भएका कारण हत्या हुनसक्ने प्रारम्भिक निष्कर्ष हो,’ डिएसपी राईले भने, ‘अनुसन्धान जारी छ, पहिचान खुलेपछि सबै विषय खुल्छ ।’

प्रतिक्रिया दिनुहोस

नेकपा माओवादीको विराटचोकमा हुने प्रदेश सम्मेलनको तयारी तिब्र

आगामी मङ्सिर २५ गते मोरङको विराटचौकमा हुन लागेको नेपाल कम्युनिष्ट पार्टी (माओवादी केन्द्र)प्रदेश १ को सम्मेलनको तयारी तीब्र पारिएको छ । प्रदेश १ का अ ...

प्रदेश १ मा आज २१ जनामा कोरोना संक्रमण

इटहरी । प्रदेश १ मा पछिल्लो २४ घण्टामा २१ जनामा कोरोना संक्रमण भएको छ । ३४६ जनाको पीसीआर परीक्षण गर्दा १७ र १०७ जनाको एन्टिजेन परीक्षण गर्दा ४ जनामा ...

रामचन्द्रका लागि सभापतिमा दावी छाड्न शशांक तयार

काठमाडौं । नेपाली कांग्रेसका महामन्त्री डा। शशांक कोइरालाले १४ औं महाधिवेशनमा सभापति पदमा दावी छाड्न तयार भएका छन् । उनले रामचन्द्र पौडेलको नाममा सहम ...

उज्यालो प्रदेश मिडिया प्रालिद्वारा सञ्चालित

कम्पनी दर्ता नं. २०३७८३।०७५।०७६

स्थायी लेखा नं. ६०६५३१३८६

सूचना विभाग दर्ता नं. १३३६/०७५/७६

प्रेस काउन्सिल दर्ता नं. ४९७/०७५/०७६

प्रधान कार्यालयः बेलबारी-३, मोरङ, १ नम्वर प्रदेश, नेपाल

मोबाइल नं.: ९८४२०३६८१४, ९८४२१३०५६८, ९८४२०७९७५८, ९८४२०७८६५८

इमेल: [email protected]

वेबसाइट: www.ujyaalopradesh.com

प्रधान सम्पादकः भक्तशेर लिम्बू

सम्पादकः किशन शाही

प्रवन्धकः सन्दिप राई

Copyright © 2018 / 2021 - Ujyaalopradesh.com All rights reserved