नयाँ वर्षमा पाँचथरमा चौंरी महोत्सव

  • प्रकाशित मितिः चैत्र २३, २०७७
  • उज्यालो प्रदेश
alt

रासस
पाँचथर । नयाँ वर्षको अवसरमा फालेलुङ गाउँपालिका–४ तीन सिमानामा चौंरी महोत्सव हुने भएको छ।
चार वर्षयता आयोजना भइरहेको महोत्सव यस वर्ष पनि नेपाल–भारत सीमावर्ती क्षेत्र तीनसिमानामा आयोजना गर्न लागिएको हो।

फालेलुङ गाउँपालिकाको आर्थिक सहयोगमा यहाँका दीपज्योति युवा क्लब, फालेलुङ कञ्चनजंघा पर्यापर्यटन प्रवर्द्धन संस्था र कञ्चनजंघाका चौंरीपालन तथा संरक्षण संस्थाले महोत्सवको आयोजना गरेका हुन्। महोसत्व २०७८ वैशाख १ गते सञ्चालन हुनेछ। महोत्सवमा चौंरीका विभिन्न प्रजाति तथा चौंरीसँग सम्बन्धित सामग्रीको प्रदर्शनी मुख्य आकर्षण रहने महोत्सव आयोजक समितिका सचिव सुनिल बान्तवाले जानकारी दिए।

परम्परागत चौंरीपालनलाई व्यवस्थित र व्यावसायिक बनाई दिगो आयस्रोत बनाउने, चौंरीमा आधारित पर्यापर्यटन प्रवर्द्धनमा सघाउ पुर्‍याउने, जैविक विविधता, दुर्लभ वनस्पति तथा जीवजन्तु संरक्षणको सन्देश दिने मुख्य उद्देश्यसहित महोत्सव आयोजना गरिएको हो।

महोत्सवमा चौंरी तथा याकका विभिन्न प्रजातिको प्रदर्शनी, चौंरीजन्य उत्पादनको प्रदर्शनी, भूटानबाट ल्याइएका याकको प्रदर्शनी, घोडाचढी तथा याकचढी मुख्य आकर्षण रहेका छन्। यस्तै‚ उच्च पहाडी क्षेत्रमा पाइने जडीबुटीको प्रदर्शनी, स्थानीय संस्कारमा आधारित खाद्यान्नका परिकार, भेडाको ऊनबाट निर्मित सामग्री, गोठबासमा बसोबासजस्ता आकर्षण रहने आयोजक समितिका सचिव बान्तवाले बताए।

तीन सिमानाबाट नेपाल, भारत र भुटानका हिमालको दृश्यावलोकन गर्न सकिन्छ भने यहाँ प्रशिद्ध तीर्थस्थल गोर्खेधामसमेत रहेको छ। विगतमा फालेलुङ–४ चाररातेमा चौंरी महोत्सव आयोजना गर्ने गरिएको थियो। तर‚ चारराते पुग्न भारतीय बाटोको प्रयोग गर्नुपर्ने, सुरक्षाको अभावजस्ता कारणले महोत्सवस्थल तीन सिमाना निर्धारण गरिएको महोत्सव आयोजक समितिका अध्यक्ष एवं फालेलुङ–४ का वडाध्यक्ष विद्धिमान सावदेनले बताए।

तीन सिमाना नजिकै सशस्त्र प्रहरीको बोर्डर आउट पोष्ट ९बिओपी० स्थापना भएको, गोठबासको प्रबन्ध भएको, सहज सडक पहुँच भएको तथा तीन सिमानालाई पर्यटक गन्तव्य बनाउन प्रचारमा जोड दिनुपर्ने भएकाले यहाँ महोत्सव आयोजना गरिएको अध्यक्ष सावदेनको भनाइ छ। महोत्सव सम्पन्न गर्न मुल आयोजक समिति तथा चारवटा उपसमिति गठन गरिएको अध्यक्ष सावदेनले बताए।

दुई दर्जनभन्दा बढी चौंरीगोठ रहेको फालेलुङको फालोट क्षेत्रमा पर्यटन विकास गर्ने, चौंरीजन्य सामग्रीको प्रचार र बजारको खोजी गर्ने, चौंरीपालनलाई व्यवस्थित गर्दै जैविक विविधताको संरक्षण गर्ने उद्देश्यसहित २०७४ बाट महोत्सव आयोजना गर्न थालिएको हो। गत वर्ष भने कोभिड–१९ को महामारी तथा बन्दाबन्दीका कारण चौंरी महोत्सव हुन सकेन। हालसम्म कोरोना भाइरस संक्रमणको अवस्था सामान्य रहेकाले प्रशासनको अनुमतिले यस वर्ष महोत्सव आयोजना गरिएको आयोजक समितिले जनाएको छ।

विगतका वर्षमा महोत्सव सम्पन्न गर्न इसिमोड, रिकास्ट, टिएमआइ, रेडपाण्डा नेटवर्कलगायत अन्तर्राष्ट्रिय गैरसरकारी संस्था, विभागीय सरकारी निकाय, जिल्लाका अन्य स्थानीय तहले समेत सहयोग गरेका थिए। यस वर्ष गाउँपालिका र कञ्चनजंघा भू–परिधि संरक्षण तथा विकास पहलको लगानीमा महोत्सव आयोजना गरिएको हो। महोत्सवमा पाँचथरबाट निर्वाचित प्रतिनिधिसभा सदस्यसमेत रहेका भौतिक पूर्वाधार तथा यातायातमन्त्री वसन्तकुमार नेम्बाङलाई प्रमुख अतिथिका रूपमा आमन्त्रण गरिएको आयोजक समितिले जनाएको छ।

 

प्रतिक्रिया दिनुहोस

बैशाख ६ गते देखि सुन्दरहरैचा मेयर कप फुटबल प्रतियोगिता हुने

सुन्दरहरैचा । मोरङको सुन्दरहरैचा नगरपालीकामा प्रथम सुन्दरहरैचा मेयर कप फुटबल प्रतियोगिता हुने भएको छ । सुन्दरहरैचा नगरपालिकाद्धारा आयोजित मेयरकपमा मोर ...

योगेश भट्टराई पक्षधर ताप्लेजुङका स्थानीय नेता तान्दै ओली

नेकपा एमालेको विवाद उत्कर्षमा पुगेका बेला प्रधानमन्त्री तथा अध्यक्ष केपी शर्मा ओलीले अर्को पक्षमा लागेका नेताहरुमाथि दबाब सिर्जना गर्न थालेका छन्। माध ...

टिपरको ठक्करबाट सुन्दरहरैँचाकी मैयाको मृत्यु

सुन्दरहरैचा ७ का ६५ बर्षीया मैया श्रेष्ठको टिपरको ठक्करबाट मृत्यु भएको छ । बिहान सवा ५ बजे सुन्दरहरैचा ७ स्थित राजमार्गमा प्रदेश १– ०२–००१ ...

उज्यालो प्रदेश मिडिया प्रालिद्वारा सञ्चालित

कम्पनी दर्ता नं. २०३७८३।०७५।०७६

स्थायी लेखा नं. ६०६५३१३८६

सूचना विभाग दर्ता नं. १३३६/०७५/७६

प्रेस काउन्सिल दर्ता नं. ४९७/०७५/०७६

प्रधान कार्यालयः बेलबारी-३, मोरङ, १ नम्वर प्रदेश, नेपाल

मोबाइल नं.: ९८४२०३६८१४, ९८४२१३०५६८, ९८४२०७९७५८, ९८४२०७८६५८

इमेल: [email protected]

वेबसाइट: www.ujyaalopradesh.com

प्रधान सम्पादकः भक्तशेर लिम्बू

सम्पादकः किशन शाही

प्रवन्धकः सन्दिप राई

Copyright © 2018 / 2021 - Ujyaalopradesh.com All rights reserved