दुइ विधेयक पारित गर्दै टहरी उपमहानगरको आठौ नगरसभा सम्पन्न

इटहरी उपमहानगरको आठौ नगरसभाको वैठकले आर्थिक बर्ष २०७७÷७८को पुरक वजेट पारित गरेको छ ।

नगरप्रमुख द्धारिकलाल चौधरीको अध्यक्षतामा भएको बैठकले १ अर्व ९५ करोड ४० लाखको संसोधित पूरक आय ब्यय अनुमान पारित गरेको हो ।अस्ति फागुन १४ गते उपप्रमुख लक्ष्मी गौतमले पुरक बजेट सभामा पेश गर्नुभएको थियो । यसैगरि आजको बैठकले विनियोजन ऐन संसोधन विधेयक र आर्थिक ऐन संसोधन विधेयक पारित गरेको छ ।

विधेयक माथि भएको छलफलमा नगरसभा सदस्य गणेश खत्रीले भाग लिनुभयो । छलफलमा उठेका प्रश्नको उपप्रमुख लक्ष्मी गौतमले जवाफ दिनुभयो ।नगरसभाको आजको वैठकमा उपप्रमुख गौतमले इटहरी उपमहानगरका कर्मचारीको तह तथा स्तरवृद्धि सम्वन्धमा ब्यवस्था गर्न वनेको विधेयक २०७७ र इटहरी उपमहानगरका कर्मचारीको स्थायी तथा करार नियुक्ति गर्ने सम्न्धमा ब्यवस्था गर्न वनेको विधेयक २०७७ पेश गर्नुभएको छ । अर्को वैठक चैत ३ गते दिउसो ३ वजे वस्ने छ ।