साढे ५ घण्टापछि रिहा भइन् रामकुमारी झाँक्री

काठमाडौ । राज्यविरुद्धको कसुरमा पाँचघण्टा अघि पक्राउ परेकी नेकपा प्रचण्ड समुहकी नेतृ रामकुमारी झाक्री रिया निःशर्त भएकी छिन् ।

राज्यविरुद्धको कसुरमा महानगरीय अपराध महाशाखाले अनुसन्धानका लागि भन्दै ‘जरुरी पक्राउ पूर्जी’ थमाएर उनलाई बिहीबार शंखमूलस्थित निवासबाटै पक्राउ गरेको थियो । पक्राउ पछि उनलाई मीनभवनस्थित अपराध महाशाखा प्रमुख दिपक कार्कीको कार्यकक्षमा राखिएको थियो ।

प्रहरीले उनसँग प्रहरीले राष्ट्रपतिबारे दिएको अभिव्यक्तिबारे सोधपुछ गरेको र ‘झाँक्रीले राष्ट्रपति संस्थाप्रति सम्मान छ किनकि हाम्रो आन्दोलन रगत पसिनाले स्थापित गरेको संस्था भएको बताउदै त्यहाँ पुग्ने पात्रहरूको क्रियाकलापको आलोचना गरिएकोले यसमा पश्चाताप गर्नुपर्ने केही छैन उनले भनिन् । उनी पक्राउ परेलगतै चौतर्फी आलोचना र विरोध भइरहेका थिए ।

महाशाखा प्रमुख एसएसपी दीपक थापाले पनि झाँक्रीलाई निःशर्त रिहा गरिएको बताउदै प्रहरीले उनलाई श्रीमानको जिम्मामा छाडेका हुन् । ‘संवैधानिक राष्ट्रपतिप्रति मेरो सम्मान हिजो, आज र भोलि उत्तिकै छ । मैले संविधान प्रदत्त वाक् स्वतन्त्रता र राजनीतिक स्वतन्त्रताको हकको उपयोग मात्र गरेको उनले प्रतिक्रिया दिएकी छिन्