नेपाली बालिकाको बलात्कारपछि हत्या अभियोगमा विहारमा प्रहरी चौकीका प्रमुख निलम्बित

काठमाडौं । भारतको बिहारमा नेपाली बालिकाको बलात्कारपछि हत्या गरेको घटनामा एक प्रहरी चौकीका इन्चार्जलाइ निलम्बन गरिएको छ।

माघ ८ गते बर्दियाको बारबर्दिया नगरपालिका ३ की १२ वर्षीया सुमित्रा विकलाई ११ जनाले सामूहिक बलात्कारपछि हत्या गरेर जलाएपछि मोतिहारी प्रहरीका एसपी नवीन चन्द्र झाले कुण्डवा चैनपुर थानाका प्रमुख सञ्जीवकुमार रञ्जनलाई निलम्बन गरेको टाइम्स अफ इण्डियाले जनाएको छ।

उनीमाथि आरोपीसँग मिलेको र पीडितको जाहेरी लिन अस्वीकार गरेको आरोप लागेको छ । आरोपी र थाना प्रमुखबीचको अडियो कुराकानी भाइरल भएपछि मिलिभगतको आशंका गरिएको थियो ।
मृतकका परिवार भारतमा मजदुरी गर्दै गुजारा चलाउँदै आएका थिए ।