तथ्यांकमा कोभिड - १९ [अपडेट]

एमसीसीविरुद्ध नेपाल २०८ रनले पराजित

  • प्रकाशित मितिः कार्तिक २२, २०७६
  • उज्यालो प्रदेश
alt

काठमाडौं । तेस्रो दिन बिहीबार ३ सय ९३ रनको लक्ष्य पछ्याएको नेपालले ४०.३ ओभरमा सवै विकेट गुमाएर १ सय ८४ रनमात्रै बनाउन सक्यो।

नेपालका लागि सोमपाल कामीले सर्वाधिक ५१ रनको अर्धशतकीय पारी खेले। यस्तै सन्दीप लामिछानेले २५ रन जोडे।

यस्तै राजु रिजालले ३१, शरद भेषावकरले १५, आरिफ सेखले १९ तथा करण केसीले १८ रन जोडे। कप्तान ज्ञानेन्द्र मल्ल ६ रनमा पवेलियन फर्किए। नेपालका दीपेन्द्रसिंह ऐरी, विनोद भण्डारी र पवन सर्राफले खाता नै खोल्न सकेनन।

बुधबार पहिलो दिन पूरै खेलेर बिहीबार पहिलो शत्रसम्म पहिलो इनिङ्स खेलेको एमसीसीले ३६४ रन बनाएको थियो। त्यो पछ्याएको नेपाल बिहीबार नै १५३ रनमा अलआउट भयो। बिहीबार अन्तिम शत्र र शुक्रबार पहिलो दिन गरि एमसीसीले ३९२ रनमा इनिङ छाडेको थियो।

अन्तिम दिन उक्त लक्ष्य पछ्याएको नेपाल सबै विकेट गुमाएर १ सय ८४ रनमै समेटिएको हो। नेपालले १४ वर्षपछि बुधबार प्रथम श्रेणीको क्रिकेटमा पुनरागमन गरेको हो । सन् २००५ पछि नेपालले त्रिवि क्रिकेट मैदानमा बुधबार विश्व प्रशिद्ध क्लब मेरिलेबन क्रिकेट क्लब९एमसीसी०सँग प्रथम श्रेणीको क्रिकेट खेलेको हो ।

गतवर्ष एकदिवसीय मान्यता पाएपछि एमसीसीले नेपालमा खेल्ने तीन दिवसीय खेललाई आईसीसीले फस्ट क्लास क्रिकेटको मान्यता दिएको हो । अन्तराष्ट्रिय क्रिकेट परिषद् ९आईसीसी० ले टेष्ट मान्यता नपाएका राष्ट्रका लागि अन्तर महादेशीय कपको नाममा प्रथम श्रेणीको क्रिकेट सुरु गरेको थियो । सन् २००४ मा सुरु भएको यो प्रतियोगिताको नेपालले पहिलो पहिलो दुई संस्करण खेलेपनि त्यसपछि प्रतियोगितामा छनोट हुन सकेन ।

सन् २००६ को आईसीसी अन्तर महादेशीय च्यालेन्ज कपमा नेपालले नामिबियाको मैदानमा बराबरी खेलेपछि कुनै पनि आईसीसीको पहिलो श्रेणीको क्रिकेट खेलेको छैन ।

एमसीसीले यसअघिको नेपाल भ्रमणको पहिलो एकदिवसीय खेलमा यू–१९ टोलीलाई ५ विकेटले पराजित गर्दै नेपाल भ्रमणको सुरुवात गरेको थियो । लगत्तै अर्कोदिन भएको खेलमा नेपाली राष्ट्रिय टोलीले एमसीसी ५ विकेटले पराजित गर्यो ।

तीनदिन प्रथम श्रेणीको क्रिकेट खेलेपछि एमसीसीको टोली पोखरा भ्रमणमा निस्कनेछ । पोखरामा पोखरा–११ र मुख्यमन्त्री–११ सँग मैत्रीपूर्ण खेल खेल्ने एमसीसीको कार्यक्रम छ । एमसीसी फाउन्डेशनले विकासिल देशहरुमा भ्रमण गर्ने उदेश्यसहित यो टूरको आयोजना गरेको हो ।

प्रतिक्रिया दिनुहोस

असार १ गतेबाट पठनपाठन सुरु गर्न शिक्षा मन्त्रालयको आव्हान

काठमाडौँ । शिक्षा, विज्ञान तथा प्रविधि मन्त्रालयले आगामी असार १ गतेबाट पठन सुचारु गर्न संघ, प्रदेश तथा स्थानीय तहलाई आह्वान गरेको छ । शिक्षा विज्ञान ...

विभिन्न जिल्लाका सिडिओको सरुवा, सूचीसहित

काठमाडौँ । गृह मन्त्रालयले सहसचिव प्रमुख जिल्ला अधिकारी, उपसचिव सहायक प्रमुख जिल्ला अधिकारी तथा विभागीय प्रमुखहरूको सरुवा गरेको छ । आइतबारको मन्त्रीस ...

सोमबार कोरोनाबाट २२६ संक्रमित थपिए , संक्रमितको संख्या १७९८

नेपालमा दैनिक कोरोना संक्रमण दर वृद्धि भइरहेको बेला सोमबार सवैभन्दा बढी २सय २६ जना कोरोना संक्रमित थपिएका छन् वितेको २४ घण्टामा २२६ जना कोरोना संक्रमि ...

उज्यालो प्रदेश मिडिया प्रालिद्वारा सञ्चालित

कम्पनी दर्ता नं. २०३७८३।०७५।०७६

स्थायी लेखा नं. ६०६५३१३८६

सूचना विभाग दर्ता नं. १३३६/०७५/७६

प्रेस काउन्सिल दर्ता नं. ४९७/०७५/०७६

प्रधान कार्यालयः बेलबारी-३, मोरङ, १ नम्वर प्रदेश, नेपाल

मोबाइल नं.: ९८४२०३६८१४, ९८४२१३०५६८, ९८४२०७९७५८, ९८४२०७८६५८

इमेल: [email protected]

वेबसाइट: www.ujyaalopradesh.com

प्रधान सम्पादकः भक्तशेर लिम्बू

सम्पादकः किशन शाही

प्रवन्धकः सन्दिप राई

प्रमुख संवाददाताः अर्जुन राई

संवाददाताः निकेश बराल

Copyright © 2018 / 2020 - Ujyaalopradesh.com All rights reserved