तथ्यांकमा कोभिड - १९ [अपडेट]

मुस्ताङको बोन सामुदायिक होमस्टेमा विदेशीको चासो

  • प्रकाशित मितिः आश्विन २९, २०७६
  • उज्यालो प्रदेश
alt

पोखरा । केही वर्ष अघिसम्म मुस्ताङका धेरैजसो ठाउँमा बोन धर्म मानिन्थ्यो । स्थानीयका अनुसार अहिले धेरैले यो धर्म मान्न छोडिसके ।

तर, मुस्ताङ वारागुङ गाउँपालिका १ लुप्राले भने बोन धर्म मान्न अझै छाडेको छैन । सिंगो मुस्ताङमा लुप्राले मात्रै बोन धर्म मान्छ । बोन धर्म, संस्कृतिलाई जोगाउँन स्थानीयले २ वर्ष अघि घरबास होमस्टे सुरु गरेका थिए । बोन सामुदायिक होमस्टे । अहिले सोही होमस्टेमा बोन धर्म संस्कृतिबारे चासो राख्ने अनुसन्धानकर्ताको चासो बढ्दै गएको छ ।

विभिन्न देशबाट आएका विदेशी नागरिक लुुप्रामा अनुसन्धानका लागि पुग्ने गरेको स्थानीय बताउँछन् । बोन धर्म संस्कृतिलाई जोगाउँने उद्देश्यले बोन सामुदायिक होमस्टे सुरु गरेको उनी बताउँछन् । ‘८ घरबाट दुई वर्ष अघि सुरु गरेका थियौं,’ उनले भने, ‘सुविधाहरु पु¥याउन सकिन्न कि भनेर ८ घरबाट सुरु गरेका थियौं ।’ होमस्टेमा पाहुनाहरु बढ्दै गएपछि घर पनि बढाउँदै लैजाने सोच लिएर होमस्टे सुरु गरेका उनले बताए ।

स्थानीयका अनुसार बोन धर्म बुद्ध धर्म जस्तै हो । बोन धर्म सुरुमा तिब्बतबाट सुरु भएको मानिन्छ । बोन धर्म बौद्ध धर्मभन्दा पुरानो धर्म रहेको स्थानीय बताउँछन् । ‘बोन धर्म प्राकृतिक पुजासंग जोडिन्छ,’ स्थानीय युङद्रुङ छेवाङले भने, ‘बौद्ध धर्मभन्दा बोन धर्म पहिलेदेखि मान्दै आएको पनि भनिन्छ ।’

बोन धर्म १२ औं शताब्दिताका उत्पति भएको अनुमान रहेको उनले सुनाए । बोन धर्मको रीतिरिवाज, भेषभुष, परम्परा तिब्बतीहरुसंग मिल्ने स्थानीय बताउँछन् । ‘अहिले पनि हाम्रोे भेषभुषा तिब्बतियनसंग मिल्छ,’ उनले भने । लुप्रामा जम्माजम्मी १४ घर छन् । त्यसमध्ये ८ घरमा घरबास९होमस्टे० चलाइएको छ ।

बोन धर्मको मुख्य विशेषता तिजी हो । तिजी हिंसा हटेर शान्ति शुव्यवस्था आएको खुसियालीमा मनाइने उनले जानकारी दिए । तिजी ५ दिनसम्म चल्छ । खेतिपाती सकिएको खुसियालीमा पनि बनाइन्छ तिजी । आ – आफ्नो आर्थिक हैसियत अनुसार खानपान र नाँचगान गरेर तिजी मनाउँने उनले सुनाए । तिजी बिहान पुँजापाठ र बेलुका लामा नाँच नाँचेर मनाइन्छ ।

होमस्टे थप्ने स्थानीयको चाहना हुँदा हुँदै पनि थप गर्न नसकिएको उनले सुनाए । होमस्टेबारे जानकारी नहुँदा लुप्राबासि अन्यौलमा रहेको उनी बताउँछन् । ‘होमस्टे चलाउँने मन भए पनि त्यसको लागि हामीसंग पर्याप्त जानकारी छैन,’ उनले भने, ‘हामीसंग अनुभव निकै कम छ । कसरी चलाउँने भनेर हामी यसै अलमलिएका छौं ।’

होमस्टे चलाउँन ठाउँ ठाउँका होमस्टेमा पुगेर जानकारी लिन पाए सहज तरिकाले होमस्टे सञ्चालन गर्न सकिने उनको बुझाई छ । ‘होमस्टे चलेका ठाउँमा पुगेर कसरी चलाइन्छ बुझ्न पाए अलि सहज तरिकाले चलाउँन सकिन्थ्यो कि भन्ने लागेको छ,’ उनले भने ।

होमस्टे चल्नको लागि अर्को कमि प्रचार प्रसार पनि रहेको उनको ठम्याईं छ । बोन सामुदायिक होमस्टेको बारे मुस्ताङ आउँने धेरै जसो पर्यटक अनभिज्ञ रहेको उनले सुनाए । ‘एक त प्रचार प्रसार पनि कम छ, अर्को अनुभव छैन,’ उनले भने । मिडिया, पर्यटन बोर्ड लगायतका संघ संस्थाले प्रचार प्रसारमा ल्याइ दिएमा होमस्टेमा पाहुनाहरु बढ्दै जाने उनको आशा छ ।

सदुरमुकाम जोमसोमदेखि र मुक्तिनाथको बिचमा पर्छ लुप्रा । लुप्रा पुग्ने मोटर बाटो पनि बनेको छ । होमस्टेमा वार्षिक १ सय देखि १ सय १० को हाराहारीमा पाहुना पुग्ने गरेको उनले सुनाए । लुप्रामा गुरुङ र ठकुरी जातिको बाहुल्यता छ ।

प्रतिक्रिया दिनुहोस

केराबारीमा लक डाउँन पर्ख र हेरको स्थितीमा, क्वारेन्टाइनको क्षमता विस्तार गरिने,

प्रदेश नं. १ केराबारी । कोरोना पोजिटिभ विरामीहरुलाई आइस्योलेसनको अभाव देखिएको भन्दै बिरामीको उपचारका लागि स्थानीय तहमा होल्डिङ आइस्योलेसन निर्माण गर्न ...

२६ औँ आदिवासी जनजाति दिवस जुमामा सिमित

बेलबारी / विभिन्न भौतिक रुपमा आदिवासी दिवस कार्यक्रमहरू मनाउदै आएका बेलबारीका आदिवासी जनजातिहरू । यस पाली भने विश्व व्यापी कोरोना भाइरस (कोविड १९) का ...

सरकारले १४ जिल्लामा लगायो निषेधाज्ञा,

सरकारले कोरोना संक्रमणको फैलँदो अवस्थाका कारण १४ जिल्लामा पूर्ण तथा आंशिक रुपमा निषेधाज्ञा जारी गरेको छ। गृह मन्त्रालयले बुधबार एक सूचना जारी गरी निष ...

उज्यालो प्रदेश मिडिया प्रालिद्वारा सञ्चालित

कम्पनी दर्ता नं. २०३७८३।०७५।०७६

स्थायी लेखा नं. ६०६५३१३८६

सूचना विभाग दर्ता नं. १३३६/०७५/७६

प्रेस काउन्सिल दर्ता नं. ४९७/०७५/०७६

प्रधान कार्यालयः बेलबारी-३, मोरङ, १ नम्वर प्रदेश, नेपाल

मोबाइल नं.: ९८४२०३६८१४, ९८४२१३०५६८, ९८४२०७९७५८, ९८४२०७८६५८

इमेल: [email protected]

वेबसाइट: www.ujyaalopradesh.com

प्रधान सम्पादकः भक्तशेर लिम्बू

सम्पादकः किशन शाही

प्रवन्धकः सन्दिप राई

प्रमुख संवाददाताः अर्जुन राई

संवाददाताः निकेश बराल

Copyright © 2018 / 2020 - Ujyaalopradesh.com All rights reserved