तथ्यांकमा कोभिड - १९ [अपडेट]

शहिदका सपना

  • प्रकाशित मितिः भदौ २५, २०७६
  • उज्यालो प्रदेश
alt नविना थापा

शहीदका सपना

उज्यालो धर्ती र हँसिला मुस्कानहरू प्राप्त गर्ने अभिलाषामा,
आफ्ना खुशी र चाहनाहरू बन्धकी राख्यौँ,
अनि अन्धकार ल्याउँने काला रातहरूको पहिचान गर्दैँ,
युद्ध मोर्चाहरूमा सामेल भयौँ,
रहर त कहाँ थियो र तिमीलाई
परिवारको भविष्य जोखिममा राखेर हिड्न,
सामिप्यता र मायाबाट मुटुका टुक्राहरूलाई पर राख्न,
अनि अर्धाङ्गिनीको न्यानो आलिङ्गनबाट पर भाग्न,
देशको उज्ज्वल भविष्य बनाउने अभिलाषामा,
नचाहदा नचाहदै आफ्नै भविष्य भुल्न विवश भएकै हो,
लाग्थ्यो सिटामोल र जीवनजल नपाउने आँतहरूमा,
धर्तीमा खसेका बुँदबुँद रगतहरूका बदलाले भरिनेछन,
अनि कुपोषणग्रस्त शरीरहरूमा अन्नका दानाहरू सञ्चारित हुनेछन,
नाङ्गा आङहरू न त घामले पोल्नेछ न त जाडोले ककृनेछ,
तर कैयौँ व्यवस्था बदलिए बदलिएन आम मान्छेहरूको जीवन,
परिवर्तन त केवल सैनिकहरूलाई टुडिखेलमा परेड खेलाउन आएछ,
कालाबजारी र माफियालाई सत्ताको वरिपरि राख्न आएछ,
ठेकेदार,गुन्डा र अपराधीलाई नेता बनाउन आएछ,
आफ्ना कुर्सीमाथी शहीदका फोटा राखेर,
बलिदानीको उपहास गर्न आएछ,
शहीदका रगतमा टेकेर उभिएकाहरूले,
रगतको मूल्य नबुझेको देखेर होला,
कहिलेकाहीँ आकाश मेघ बनेर गर्जिदैँ,
वर्षारूपी आँशुको भेलले चेतावनी दिदैछ,
सिञ्चित रगतको भार थाम्न नसकेर,
पहाडहरू पहिरो बन्दै आक्रोशित हुँदैछन,
हे शासकहरू तिम्रो यो अकर्मण्यता,
विकास ,न्याय,परिवर्तन र समानताको विरुद्धमा हो भने,
जनतामा छाएको यो निरासा,
मौन यो परिवेश,
आँधी,हुरी आउनु पूर्वको हो,
तिम्रा स्वार्थ,अकर्मण्यता त्यो आँधी,हुरीले उडाइदिनेछ,
अनि मात्र यो देश चलाउने माझीहरूले ,
यो देशलाई डुब्नबाट बचाउनेछन।

प्रतिक्रिया दिनुहोस

सबै नागरिकलाई अनिवार्य सैनिक तालिम माग गर्दै संविधान संशोधन विधेयक दर्ता

काठमाडौँ । नेमकिपाका सांसद प्रेम सुवालले १८ वर्ष उमेर पुगेका युवालाई अनिवार्य सैनिक तालिम दिनुपर्ने संवैधानिक व्यवस्था गर्नुपर्ने माग गर्दै संघीय संसद ...

कोशी अस्पतालमा एक सय बेडको प्रसुतीगृह बन्दै

कोशी अस्पताल परिसरमा रहेको १० कठ्ठा क्षेत्रफलमा बन्ने प्रसुतीगृहको शिलान्यास सामाजिक विकास मन्त्री जीवन घिमिरे, विराटनगर महानगरका मेयर भीम पराजुली र क ...

दाहसंस्कारपछि कोरोना संक्रमण पुष्टि, प्रहरीले खोज्न थाल्यो मलामी

कैलाली । डायलासिसका क्रममा निधन भएकी मिर्गौला रोगबाट पीडित एक महिलाको दाहसंस्कारपछि कोरोनाभाइरस पोजेटिभ रिपोर्ट आएसँगै प्रहरीले मलामी खोज्न थालेको छ । ...

उज्यालो प्रदेश मिडिया प्रालिद्वारा सञ्चालित

कम्पनी दर्ता नं. २०३७८३।०७५।०७६

स्थायी लेखा नं. ६०६५३१३८६

सूचना विभाग दर्ता नं. १३३६/०७५/७६

प्रेस काउन्सिल दर्ता नं. ४९७/०७५/०७६

प्रधान कार्यालयः बेलबारी-३, मोरङ, १ नम्वर प्रदेश, नेपाल

मोबाइल नं.: ९८४२०३६८१४, ९८४२१३०५६८, ९८४२०७९७५८, ९८४२०७८६५८

इमेल: [email protected]

वेबसाइट: www.ujyaalopradesh.com

प्रधान सम्पादकः भक्तशेर लिम्बू

सम्पादकः किशन शाही

प्रवन्धकः सन्दिप राई

प्रमुख संवाददाताः अर्जुन राई

संवाददाताः निकेश बराल

Copyright © 2018 / 2020 - Ujyaalopradesh.com All rights reserved