बेलबारी गोल्डकपमा पुलिस क्लव स्तब्ध

  • प्रकाशित मितिः आश्विन ७, २०७६
  • उज्यालो प्रदेश
alt

बेलबारी , मोरङ । रोयल फुटबल क्लब सिलिगुडी भारत तेस्रो बेलबारी अन्तर्राष्ट्रिय आमन्त्रण गोल्डकप फुटबल प्रतियोगिताको अन्तिम चारमा पुगेको छ ।
बेलबारी–११ लक्ष्मीमार्गस्थित मैदानमा मंगलबार भएको अन्तिम क्वार्टरफाइनल खेलमा विभागीय टोली नेपाल पुलिस क्लबलाई टाईब्रेकरमा स्तब्ध बनाउँदै पाहुना टोलीभारत विजयी बनेको हो । विजयी सुरुवात गर्दै उसले आगामी बिहीबार हुने सेमिफाइनल खेलमा विभागीय टोली एपीएफसँगको भेट पक्का गरेको छ । निर्धारित समय २–२ गोलको बारीबरीमा सकिएपछि खेल टाईब्रेकरमा धकेलिएको थियो । टाईब्रेकर पुलिसका लागि अफापसिद्ध बन्यो ।
भारतको जितमा गोल रक्षक किशोर गिरीको भूमिका महत्वपूर्ण रहयो । टाईब्रेकरमा भारतका निरज बस्नेत, पोल्साङ लामा, क्लास बस्नेत र सोनाम भुटिएको प्रहारले जाली चुमेको थियो । पुलिसका सुमन लामा र भरत साहको प्रहार मात्रै गोलमा परिणत भयो । निरकुमार राईको प्रहार रोकेर भारतका गोलरक्षक तथा खेलको म्यान अफ दी म्याच किशोर गिरीले उत्कृष्ट प्रदर्शन गरे । बुद्ध वलको प्रहार पोलमा लागेर फर्किएपछि पुलिसको सेमिफाइनल यात्रामा पूर्णविराम लाग्यो ।
समान खेलको सुरुवातमै गोलको खाता खोलेर अग्रता बनाए पनि भारतले विजय हाँसिल गर्न भने टाईब्रेकरसम्म पर्खनु प¥यो । भारतका प्रतिक लामाको कर्नर प्रहारलाई हेड गर्दै अमीर लामाले तेस्रो मिनेटमै बललाई जाली चुमाउँदा पुलिस दबाबमा परेको थियो । त्यसपछि आक्रमक बनेको पुलिसले भारतको सुरुवाती अग्रता चार मिनेट पनि टिक्न दिन । शौजन याक्खाले सातौं मिनेटमा गोल फर्काउँदै पुलिसलाई खेलमा फर्काए ।
मध्य भागबाट हेमन्त श्रेष्ठले दिएको पासमा विपक्षी गोल रक्षक गिरी अगाडि बढेको मौका छोप्दै याक्खाले भली गरेर बललाई पोस्टको दिशा दिएपछि खेल बराबरीमा आएको हो । पहिलो हाफ १–१ गोलको बराबरीमा सकियो ।
भारतका दीपु वर्मनले ८१ औं मिनेटमा अर्को गोल गरेर खेललाई २–१ को अवस्थामा पु¥याए । निरज बस्नेतको पासमा पुलिसका गोलरक्षक सन्जित श्रेष्ठलाई विट गर्दै वर्मनले बललाई वान टच जाली चुमाएका थिए । निर्धारित समय सकिन ९ मिनेट समय मात्रै बाँकी रहेको अवस्थामा पनि भारत सम्हालिन नसक्दा खेल टाईब्रेकरमा धकेलिएको हो । अन्तिम समयमा पुलिसका सुमन लामाले गोल फर्काउँदै खेललाई २–२ को बराबरीमा पु¥याएका थिए । भारतका प्रतिक लामाले फल खेलेपछि करिव २५ यार्ड टाढाबाट पाएको फ्रिकिक प्रहारलाई सुमनले सदुपयोग गर्दै बललाई पोस्टको बाटो दिएपछि खेलको छिनोफानो निर्धारित समयमा हुन सकेन ।
दुवै टिमले गोल गर्नका लागि पाएका आधा दर्जन राम्रा अवसरको सदुपयोग गर्न सकेनन् । भारतको तुलनामा अवसर धेरै सिर्जना गरे पनि सदुपयोग गर्न नसक्दा र फिनिसिङ फितलो हुँदा पुलिस नतिजा विमुख बनेर फर्किएको हो । पुलिसका निरकुमार राई, सुमन लामा, भरत साह र वुद्ध वल वान भर्सेस वानको अवस्थामा गोल गर्न चुक्नु पुलिसका लागि दुर्भाग्यपूर्ण बन्यो । भारतका पनि आदर्श तामाङ, निशान्त लिम्बू र श्याम सरकारको प्रहारले पोस्टको बाटो नदेख्दा खेलको नतिजा निर्धारित समयमा निस्कन सकेन ।
खेलको म्यान अफ दी म्याच भारतका गोलरक्षक किशोर गिरी घोषित भए । उनले पाँच हजार नगद पुरस्कार पाए । बुधबार हुने पहिलो सेमिफाइनल खेलमा धरान फुटबल क्लब सुनसरी र मदन भण्डारी स्र्पोट्स एकेडेमीबीच प्रतिस्पर्धा हुने छ ।

 

प्रतिक्रिया दिनुहोस

भोजपुरमा अज्ञात समुहद्धारा एक महिलाको दुवै स्तन काटियो

भोजपुर – भोजपुरको षडानन्द नगरपालिका–८, तुङ्गेछाको सेमेङमा नचिनेका मान्छेको समूहले एक महिलाको दुवै स्तन काटिदिएका छन् । बुधबार दिउँसो स्था ...

नगर्नेले बाटो खाली गर्नू, अदालतमा गएर नरुनू

काठमाडौं । मन्त्रीको जिम्बेवारी सम्हाले जगतै एक्सनमा उत्रिएर चर्चामा आएका संस्कृति पर्यटन तथा नागरिक उडड्यन मन्त्री योगेक भट्टराइले फेरी अर्को एक्सन ल ...

कार्यकारी अध्यक्ष प्रचण्ड र पाँचवर्ष सम्म ओली प्रधानमन्त्री हुने

काठमाडौं । नेपाल कम्युनिस्ट पार्टी (नेकपा)को कार्यकारीको अध्यक्ष पुष्पकमल दाहाल प्रचण्ड हुने र पाँच वर्षलाई केपी शर्मा ओली नै प्रधानमन्त्री हुने निर्ण ...


उज्यालो प्रदेश मिडिया प्रालिद्वारा सञ्चालित

कम्पनी दर्ता नं. २०३७८३।०७५।०७६

स्थायी लेखा नं. ६०६५३१३८६

सूचना विभाग दर्ता नं. १३३६/०७५/७६

प्रेस काउन्सिल दर्ता नं. ४९७/०७५/०७६

प्रधान कार्यालयः बेलबारी-३, मोरङ, १ नम्वर प्रदेश, नेपाल

मोबाइल नं.: ९८४२०३६८१४, ९८४२१३०५६८, ९८४२०७९७५८, ९८४२०७८६५८

इमेल: [email protected]

वेबसाइट: www.ujyaalopradesh.com

प्रधान सम्पादकः भक्तशेर लिम्बू

सम्पादकः किशन शाही

प्रवन्धकः सन्दिप राई

प्रमुख संवाददाताः अर्जुन राई

संवाददाताः निकेश बराल

Copyright © 2018 / 2019 - Ujyaalopradesh.com All rights reserved