महिला बेच्न भारततिर लैजादैँ गर्दा बिराटचौककी एक महिला पक्राउ, २ जनाको उद्धार

  • प्रकाशित मितिः जेठ २९, २०७६
  • उज्यालो प्रदेश
alt

भण्टाबारी ।सुनसरीको भण्टाबारी नाका हुँदै भारतमा बेचिन लागेका २ जना महिलाको उद्धार गरिएको छ । घरको काममा लगाइदिन्छु भन्दै भारतको दिल्लीमा बेच्न लाँदै गरेको अवस्थामा भारतीय एसएसबीको सहयोगमा सीमा सशस्त्र प्रहरी बल भण्टाबारी र मानव अधिकारकर्मीको संयुक्त टोलीले २ जना नेपाली महिलाको उद्धार गरेको हो ।

फोन सम्पर्कमार्फत् चिनजान गरी २ जना महिलासँगै दिल्ली जान तयारी अवस्थामा भएको बखत एक दलाललाई नियन्त्रण लिएको सशस्त्र प्रहरी निरीक्षक सुरेन्द्रबहादुर भण्डारीले जानकारी दिए ।

uddarh

इटहरीबाट २ जना महिला र एकजना दलालसँगै अर्का एकजना पुरुषले भण्टाबारी नाका हुँदै भीमनगरबाट दिल्ली जान बसमा चढ्दै गरेको अवस्थामा उनीहरूलाई नियन्त्रणमा लिएको बिओपी भण्टाबारीका सशस्त्र प्रहरी निरीक्षक भण्डारीले बताए ।

दिल्लीमा घरको काममा लगाइदिन्छु भन्ने प्रलोभन देखाई मोरङ सुन्दरहरैँचा नगरपालिका–१०  बिराटचौक बस्ने २३ वर्षीया शेषकुमारी अधिकारीले मोरङ पथरी नगरपालिका–१ की ३५ वर्षीया कोपिला पोखरेल र बुटवल महानगरपालिका–६ रुपन्देही स्थायी घर भई हाल काठमाडौं कपन बस्दै आएकी ३४ वर्षीया कुन्ती ठकुरी लाई बेचबिखन गर्न लाँदै गर्दा उनीहरूको उद्धार गरिएको मानवअधिकारकर्मी शिवेन्द्र कर्णले जानकारी दिए ।

बेचबिखन गर्ने उद्देश्यले ती महिलाहरूलाई भारततर्फ लैजाँदै गरेको जानकारी पाएपछि उनीहरूलाई भारतीय एसएसबीका इन्स्पेक्टर घनश्याम पासवान नेतृत्वको सहयोगमा सशस्त्र प्रहरीसहित उद्धार गरेको कर्णले बताए ।

भारतमा उद्धार गरिएकोले आवश्यक कानूनी प्रक्रिया पु¥याई उनीहरूलाई सशस्त्र प्रहरीले नेपाल प्रहरीको जिम्मा लगाउने बिओपी भण्टाबारीका सशस्त्र प्रहरी निरीक्षक भण्डारीले बताए । काठमाडौं र इनरुवाका दलालहरूमार्फत् शेषकुमारी अधिकारीको सम्पर्कमा ती २ जना महिला आएको उनले बताए ।

इनरुवादेखि भारतको भीमनगरसम्म उनीहरूलाई पुर्याउने एकजना पुरुष भागेको भण्डारीले बताए । उद्धार गरिएका महिलाद्वयले आफूहरूले कसैलाई नचिनेको र काममा लगाइदिने प्रलोभनमा भारतमा जान लागेको बयान दिएको भण्डारीले बताए ।

भीमनगरबाट उद्धार गरिएका ती दुवै महिला श्रीमान्सँग अलग्गै बस्दै आएको बयान दिएका छन् । १ छोराकी आमा कोपिला अधिकारीले १६ वर्षदेखि श्रीमान्बाट अलग्गै बस्दै आएको र ३ छोरीकी आमा कुन्ती ठकुरीले १ वर्षअघि श्रीमान्सँग सम्बन्धविच्छेद गरेको भनी बयान दिएको सशस्त्र प्रहरी इन्स्पेक्टर भण्डारीले बताए ।

ब्लास्ट बाट

प्रतिक्रिया दिनुहोस

मुस्ताङको बोन सामुदायिक होमस्टेमा विदेशीको चासो

पोखरा । केही वर्ष अघिसम्म मुस्ताङका धेरैजसो ठाउँमा बोन धर्म मानिन्थ्यो । स्थानीयका अनुसार अहिले धेरैले यो धर्म मान्न छोडिसके । तर, मुस्ताङ वारागुङ गा ...

सौन्य अभ्यासमा नेपाली सेनालाई स्वर्ण

काठमाडौं । बेलायतमा भएको संयुक्त सैन्य अभ्यास ‘क्याब्रियन पट्रोल–२०१९’ मा नेपाली सेनाले स्वर्ण पदक पाएको छ । प्रमुख सेनानी अशिम देव ...

पारसले कप्तान छाडेपछि ज्ञानेन्द्रलाई अघि सारे

काठमाडौ । नेपाली राष्ट्रिय क्रिकेट टिमको कप्तानबाट राजिनामा दिएका पारस खड्काले आफूले कप्तानी छोड्नुको रहस्य खोल्दै आफ्नो उत्तराधिकारीका रुपमा ज्ञानेन् ...


उज्यालो प्रदेश मिडिया प्रालिद्वारा सञ्चालित

कम्पनी दर्ता नं. २०३७८३।०७५।०७६

स्थायी लेखा नं. ६०६५३१३८६

सूचना विभाग दर्ता नं. १३३६/०७५/७६

प्रेस काउन्सिल दर्ता नं. ४९७/०७५/०७६

प्रधान कार्यालयः बेलबारी-३, मोरङ, १ नम्वर प्रदेश, नेपाल

मोबाइल नं.: ९८४२०३६८१४, ९८४२१३०५६८, ९८४२०७९७५८, ९८४२०७८६५८

इमेल: [email protected]

वेबसाइट: www.ujyaalopradesh.com

प्रधान सम्पादकः भक्तशेर लिम्बू

सम्पादकः किशन शाही

प्रवन्धकः सन्दिप राई

प्रमुख संवाददाताः अर्जुन राई

संवाददाताः निकेश बराल

Copyright © 2018 / 2019 - Ujyaalopradesh.com All rights reserved